“La grandeza de Bilbao son sus hijos” – Miguel de Unamuno.
Errege Koparen ospakizuna – Athletic Txapeldun
Joan den apirilaren 11n, Bizkaia osoak erabateko geldialdia egin zuen Athleticeko jokalariei Errege Kopako txapeldun gisa harrera egiteko. 24 Kopa irabazi ditu guztira, eta Espainian Kopa gehien dituen bigarren taldea da.
Eguna argi bereziarekin esnatu zen. Ondoren, eguzkia distira betean izan genuen egun osoan zehar. Jai giro ludikoa, alaia, izan zen nagusi. Bizkaitar guztiak (gurasoak, seme-alabak, bilobak) bildu ziren Nerbioi itsasadarrean zehar, gabarra pasatzen ikusteko, 1984an lehen aldiz egin zuen bezala.
Gabarra mitikoak inguruan 160 ontzi eta 32 traineru zituela nabigatu zuen. 16:30ean Getxoko Abrako Errege Itsas Klubetik abiatuta, 19:00ak aldera iritsi zen Bilboko udaletxera. Bizkaia Zubitik azkar igaro zen, baina oso irudi ederrak utzi zizkigun. Bizkaia Zubia bere itsasadarrean gertatutakoaren lekuko mutu leial izan zen beste behin ere, baina oraingoan poza, bozkarioa, zoriona, alaitasuna, kide izatearen harrotasuna eta gizalegea, hezkuntza, adeitasuna eta errespetuaren lekuko. Beraz, gure miresmen eta zorionik beroena munduko afizio handienari eta Athleticen talde osoari.
EEZE topaketa – Ekinbarriren bidez eraldatzen
Joan den apirilaren 17an, Bizkaia Zubiak mahai-inguru batean parte hartu zuen, EEZEk Ekinbarri proiektua haren bazkideen artean ezagutzera emateko antolatutako ekitaldi batean.
Beste bi zuzendarirekin batera, gure esperientziak azaldu genituen: Ekinbarrik nola laguntzen duen konpromisoaren eta ongizatearen kulturaren pean erakunde gizatiarrago bat garatzen, asmo handiko helburuak lortzeko aldaketak sortzen eta azkartzen lagunduko duen talentuzko estrategia bat sortzeko. Bide luzea, zaila eta konplexua da; baina perspektiba, zorroztasuna eta trebakuntza ematen duten Ekinbarriko profesionalen laguntzarekin aurrera egiten ari gara lasaitasunean, hurbiltasunean eta balioei eta jantzien arauei lotutako konpromisoan hobetuz.
Hiruhileko honetan egindako kontserbazio-lan garrantzitsuak.
Oinezkoentzako pasabideko itxiturak ordezkatzea.
Bizkaia Zubiak korrosioaren aurkako borroka nekaezinean jarraitzen du, monumentua behar bezala kontserbatzeko konpromisoan. 45 metroko altueran dagoen 160 metroko pasabidean zentratu gara oraingoan. Portugaleteko eta Getxoko bi igogailuetako irteeren goiko itxiturako piezaren bat saneatu eta ordezkatu dugu, Montajes Vicente SL eta Meccano SAren (gune zailetarako aldamioetan aditua) eskutik.
Ontzixkak 27.006 bidaia egin ditu; alegia, 4.050 kilometro. Valentzia eta Douala (Kamerun) arteko distantzia.
“Puente Bizkaia, Anatomía de un Coloso de Hierro” liburuaren aurkezpena
Joan den apirilaren 18an, Itsasmuseumen José Antonio Reyero egilearen “Puente Bizkaia. Anatomía de un Coloso de Hierro” liburuaren aurkezpenera joan ginen.
José Antonio Reyerok egindako ikerketa lan bikainaren emaitza da lana. Chateauneuf sur Loireko museoak eta artxiboak bisitatzera eraman zuen lanak (bertan daude Arnodinen enpresak —Ferdinand Arnodin zubiaren eraikitzailea izan zen—, bai eta Frantziako Brive la Gallard herria ere —bertan Arnodin sagako azken ondorengoak Bizkaia Zubiarekin lotutako artxiboak eta legatuak kontsultatzeko aukera eman zuen—). Obraren egile izan zen Alberto Palacio ingeniariaren familiak ere benetako altxor dokumentala jarri zuen egilearen eskura, Palacioren eta haren zubiaren gorabeherei buruzkoa.
Orain, argia ikusi duenean, aleak argitaratzearen eta saltzearen onura guztiak kausa on batera bideratzea nahi izan du egileak; hain zuzen ere, alboko esklerosi amiotrofikoaren (AEA) aurkako borrokara, Adela Bizkaia onura publikoko elkartearen bidez.
Liburua Bizkaia Zubiko gure dendetan dago eskuragarri.
Hiruhileko honetan 2.480 ontzi igaro dira Bizkaia Zubiaren azpitik.
Hego Koreako teknikarien bisita
Joan den igandean, 2024ko apirilaren 21ean, Hego Koreako Kultura Ondarearen Administrazioaren Kontserbazio Politikako Dibisioko ordezkaritza bat gure hirian izan zen, leku historikoen kontserbazio eta kudeaketa sistemari buruzko ikerketa sakona egiteko, baita leku horiek berritzeko eta erabiltzeko kasuak aztertzeko ere, beren herrialdean hobekuntzak eta jardunbide berriak ezartzeko asmoz.
Ordezkaritzaren buru Kim Young-ho taldeburua izan zen. Beste lau kide ere izan ziren berarekin (hiru gizon eta bi emakumez osatutako taldea), bai eta interprete bat ere.
Ordezkaritzaren helburu nagusia Bizkaia Zubiaren kontserbazio eta kudeaketa sistema zehatz-mehatz ikertzea izan zen. Horretarako, bisita gidatu sakona egin zuten egitura osora, Zubiaren historia azaldu ondoren; xehetasun guztietan interes handia erakutsi zuten, eta gure azalpenak biziki eskertu zituzten.
Elkarteak Aranjuezen du egoitza, epe mugagabean. Eta honako helburu hauek ditu, besteak beste: munduko ondare ondasunen arteko lankidetza sustatzea; ondasun horien kontserbazioarekin, dibulgazioarekin eta garapenarekin zerikusia duten nazioko eta nazioarteko kudeatzaile eta eragile guztiei eragiten dieten arazoei buruzko konbergentzia, hausnarketa eta eztabaidarako foro bat eratzea; eta tokiko, eskualdeko, nazioko eta nazioarteko estrategia eta ekimen komunak sustatzea.
Bizkaia Zubia Aliantza horretan sartu da, itsasadarreko kultur paisaiaren adierazgarri nagusi gisa. Burdinari eta gure meatze-iraganari lotutako paisaia da hori, gure iragana eta orain garena eraiki dituena; eta komeni da hori gogoraraztea eta gogoan izatea beti, belaunaldi berrientzat batez ere. Espero dugu Aliantza horretatik ikastea eta sinergiak sortzea gure kultur paisaiak sendotu eta balioesteko.
Azken hiru hilabeteetan 187,2 l/m2 euri bota du.
Bisitak eta ekitaldiak
Bizkaia Zubia hainbat toki erakunderen arretagune izan da berriki. Egin dituzten bisiten bidez, monumentu enblematiko horren garrantzi kultural eta historikoa nabarmendu dute.
Arenas Futbol Kluba
Eskualdeko talde zaharrenetako eta ospetsuenetako bat den Arenas Futbol Klubeko jokalari eta zuzendariek bisita berezia egin zuten Bizkaia Zubira. Ibilaldian zehar, klubeko kideek bertatik bertara ezagutu ahal izan zuten Getxo eta Portugalete lotzen dituen zubi eseki horren historia eta funtzionamendua. Bisitan zubiaren ingeniaritzari eta historiari buruzko azalpen zehatza izan zen, eskualdeko kirol eta kultur ondarearen arteko lotura sendotuz.
Arratia Motor Taldea Elkartea
Motozikletekiko eta tokiko turismoarekiko duen pasioagatik ezaguna den Arratia Motor Taldea Elkarteak Bizkaia Zubia aukeratu zuen bere azken ibilbideko geraleku nabarmenetako bat bezala. Zubiaren handitasuna euren motozikletetatik miretsi ahal izan zuten egun batez gozatu zuten motozaleek. Jarduera horrek, tokiko turismoa sustatzeaz gain, gure ondarea zaindu eta baloratzearen garrantzia azpimarratu zuen.
Comando Jeep
Comando Jeep lur orotako ibilgailuen zale amorratuen talde bat da. Talde hori ere izan zen Bizkaia Zubiko bisitetan. Taldekideek, euren jeepetan, zeharkaldi bat egin zuten (zeharkaldian, geldialdi estrategiko bat egin zuten Zubian). Bertan, parte-hartzaileek Zubiaren eraikuntzari eta mantentzeari buruzko xehetasunak ezagutu ahal izan zituzten, baita eskaintzen dituen bista harrigarriez gozatu ere. Bisita amaitzeko, argazki saio bat izan zen, esperientziaren une gogoangarriak jasotze aldera.
Museoen Nazioarteko Eguna
Museoen Nazioarteko Eguna (MNE) urtero ospatzen da; eta haren helburua da kontzientziatzea museoak kultura-trukerako, kulturen aberastasunerako eta herrien arteko elkar ulermena, lankidetza eta bakea garatzeko bitarteko garrantzitsuak direla. MNE ospatzeko antolatutako ekitaldi eta jarduerek (duela 40 urte baino gehiagotik maiatzaren 18an antolatzen direnek) egun bat, asteburu bat edo aste osoa iraun dezakete.
Oraingo honetan, Bizkaia Zubiak Portugaleteko Rialia Museoarekin batera bisita antolatu zuen. Oso harrera ona izan zuen.
Expovacaciones 2024
Maiatzaren 10etik 12ra bitartean, Bilbao Exhibition Centre esperientzia turistikoen epizentro bihurtu zen berriro ere bidaiazaleentzat, Expovacaciones 2024 azokari esker. Momentuko helmuga-eskaintzarik onenak aurkeztu ziren bertan.
Sektoreko berrikuntza guztiak, azken proposamenak eta aisialdiko eta denbora libreko aukera berritzaileenak izan ziren hitzordu horretan, gustu eta profil guztietarako aukerekin. Gainera, zenbait erakunde (esaterako, Eusko Jaurlaritza edo Bizkaiko Foru Aldundia) ere bertan izan ziren, eta lurraldeko altxorrak erakutsi zituzten.
Hala, beste urte batez, Bizkaia Zubia ere hitzordu horretan izan zen aukera eta baliabide desberdinak bertatik bertara ezagutzeko. Berrikuntza gisa Burdinaren Ibilbidea nabarmendu zen, gure jatorriari lotutako baliabide ugari biltzen dituena (eta beharrezkoa da horiek berreskuratzea eta balioestea).
Merkaturatze horrek gertaera garrantzitsu bat markatzeaz gain, gure buruari ezarri diogun eredua ere adierazten du: etengabeko lankidetza, Bizkaiko eskualde guztiei, gure tokiko produktuari eta gure sektore turistikoaren iraunkortasunari balioa emango dieten baliabideak garatzeko.
Getxo Enpresako bazkideen 15. Topaketa
Topaketak topagune bat eskaintzen die elkarteko negozioei; kasu batzuetan, elkar ezagutzeko, eta, beste batzuetan, harreman pertsonala estutzeko, komunitatea sortzeko eta bazkideen artean erostea edo kontsumitzea sustatzeko.
Topaketa ekainaren 20an (osteguna) izan zen, 20:30etik aurrera, Tamarises Izarra jatetxean, afari-koktel formatuan, harremana eta kontaktua errazteko helburuarekin.
Topaketa horretan, hainbat ekintza egin ziren bertaratuen arteko harremana sustatzeko; besteak beste, parte-hartzaile bakoitzak bere negozioaren aurkezpen labur bat egin zien gainerako bertaratuei, eta liburuxka bat banatu zen (liburuxka horretan, topaketan parte hartu zuten negozioen zerrenda eta haien kokalekuari buruzko eta harremanetarako datuak ageri dira).
Horien guztien kontserbazioa hobetzea eta eraginkorragoa izan dadila izan du xede beti, baita ondasun horien gainean lan egiten duten kudeatzaile guztien arteko kontaktu-sare bat sortu ahal izatea ere, esperientziak partekatu, erronkak jorratu eta konponbide komunak bilatze aldera.
Topaketa urtero egin da 2007az geroztik; eta ehun bertaratu baino gehiago bildu dira horietan, hainbat administrazio eta erakundetakoak, guztiak ere Munduko Ondarearen Zerrendan izena emanda duten lekuen kudeatzaileak. Leku horiek askotarikoak dira; esaterako, multzo historikoak, monumentuak, kultura-ibilbideak, parke naturalak, haitzuloetako artearen aztarnategiak eta babeslekuak, arkeologia-guneak, kultura-paisaiak eta abar. Horiek guztiek, nahiz eta ezberdinak izan, Munduko Ondare diren ondasunak izatearen izendatzaile komuna partekatzen dute.
Aurten honako hau izan da goiburua: “Participación ciudadana y Patrimonio Mundial”. Antequeran izan da, ekainaren 25ean eta 26an. Topaketa guztiz praktikoa izan zen, eta Antequerako kaleetara atera ginen hiritar anonimoen eskutik hiriko gai zehatzei buruzko informazioa biltzeko (betiere Munduko Ondarearekin —Antequerako Trikuharriak— zerikusia dutenei buruz). Esperientzia aberasgarria izan zen, berezkotasuna, sinpletasuna, naturaltasuna, hurbiltasuna, apaltasuna eman ziguna, eta, batez ere, irain, aurreiritzi eta arbitrariotasunetik askatu gintuena. Gainera, antequerarren sinpatia eta Antequerak dituen xarmak ezagutu genituen. Merezi du hirira hiru eguneko bisita egitea, horiek presarik gabe deskubritu ahal izateko.
Eskerrak ematen dizkiegu Ministerioari eta Antequerako alkateari jasotako tratuagatik eta abegikortasunagatik.
Herritarren parte-hartzearen adibideak
Igogailuek 18.947 bidaia egin dituzte gure pasabidearen goialdera. Bertan, gure bezeroek bertako
ikuspegiez gozatu ahal izan dute, eta harreman zuzenagoa eta ukigarriagoa izan dute Zubiarekin.
Goiko taularen saneamendua.
Apirilean, maiatzean eta ekainean, lanean aritu gara lan bertikalen bidez pasabideko goiko taularen korrosioaren aurka egiteko. Oraingo honetan lan bertikalen enpresa espezializatu baten laguntza izan dugu: Asaken S. Corp.-en laguntza, hain zuzen ere. Hala, altuera handiko lekuetara iritsi gara, eta betiere garraio zerbitzua eten gabe eta gure bezeroak zainduta.
Eta hori guztia prebentziozko mantentze-lanak egiteari utzi gabe; honako hauek aztertzen dira: errailak, erreduktoreak, motorrak, bidea, penduluak, ezeztapen-lineak, billete-bidalketak, igogailuen maniobrak eta abar. Oso garrantzitsua da hori, edozein akatsen arriskuak gutxitzeko.
Egituraren eta bertako instalazioen mantentze osoaren kudeaketan lana arintzeko, garai berriekin bat etorriz, Fracttal One izeneko berariazko software bat integratzen ari gara (CMMS/OLMK aktibo fisikoen mantentze-lanak kudeatzeko software adimenduna da, % 100 mugikorra, online eta hodeian dagoena).
Tresna horren bidez, kudeaketa hobea lortzen dugu; prozesuen optimizazioa lortzen dugu, eta horrek gure eragiketen jarraipena egiten laguntzen digu, eta lan aginduak, ekipoak eta hornitzaileak plataforma bakar batetik kudeatzen, lortutako informazio guztia zentralizatuz.
Prentsa oharrak.
Joan den ekainaren 23an, Deiaren Prosperidad gehigarrian, Bizkaia Zubiaren artikulu bat argitaratu genuen, 9. GJHko (Industria, Berrikuntza eta Azpiegiturak) erreferentziazko ikur gisa.
Prentsa oharrak.
Joan den ekainaren 23an, Deiaren Prosperidad gehigarrian, Bizkaia Zubiaren artikulu bat argitaratu genuen, 9. GJHko (Industria, Berrikuntza eta Azpiegiturak) erreferentziazko ikur gisa.
