Bizkaia Zubia – Aparteko Balio Unibertsala gizakiaren botere sortzailea ikustarazteko, partaidetza-gertaera sozial eta edertasun-bilatzaile nekaezin gisa.
Bizkaia Zubia ikasteko gela aparta izaten jarraitzen du!
Pozarren jakinarazi nahi dizuegu Esclavas SC-Fátima Ikastetxea – Fundación Educativa ACI bisitan izan dugula berriz ere, hezkuntza esperientzia aberasgarri bat bizitzeko.
Oraingo honetan, ikasleek Bizkaia Zubiaren funtzionamenduari eta atalei buruzko azalpen teknikoa jaso zuten. Gida izan zuten Roberto Villanueva gure Kontserbazio arduraduna eta bere ezagutza eta pasioari esker, ingeniaritza-lan zoragarri honek nola lan egiten duen gertutik ulertu ahal izan zuten ikasleek. Gainera, ulertu ahal izan zuten zergatik jarraitzen duen izaten 1893tik munduko ikur bat! Bisitatzen gaituztenak oraindik ere harritzen ditu.
Horrelako bisiten bidez, gazteak ingeniaritzaren eta historiaren mundura hurbiltzeaz gain, gure komunitatearen eta UNESCOren Munduko Ondarearen arteko lotura indartzen dute, guztiok harrotzen gaituen Aparteko Balio Unibertsala.
Laster partekatuko ditugu hain bisita berezi horren argazki gehiago!
Ontzitxoak guztira 26,290 bidaia egin zituen eta, joan-etorri horien batura, guztira, 3,943.5 km izan ziren.
DEIA topaketak: Bilboko itsasadarra eta portua: lurraldeko garapenaren eta bilakaeraren motorrak
Bilboko itsasadarreko eta portuko hainbat eremutako erakunde eta enpresa esanguratsu bildu ziren pasa den urtarrilaren 28an Itsasmuseum-eko auditorioan DEIA egunkariak antolatutako foroan. Bertan izan ziren Bizkaia Zubiaren ordezkariak.
Iñaki González (egunkari horretako zuzendaria) arduratu zen ekitaldian parte hartu zutenei agurra egiteaz. Adierazi zuenez, Bilbo itsasadarra eta portua oso garrantzitsuak dira Bizkaiko lurraldeko garapenean eta bilakaeran, izan ere, Bizkaiko aurrerapenaren ardatz eta eragile eredugarriak dira. Gainera, jarduera ekonomiko handia sorrarazten dute eta horrek Lurralde Historikorako Barne Produktu Gordina areagotzen du, balio erantsi handiko lanpostuetarako erakarpen gunea izateaz gain.
Ondoren, bi mahai-inguru egin ziren. Alde batetik, itsasadarraren eta portuaren garrantzia aztertu zen, garapen industrialari eta hiriak eraberritzeari dagokionez. Bertan izan ziren José Miguel de la Fuente, Bizkaiko Foru Aldundiko Azpiegituren Garapeneko zuzendariordea; Patricia Ceberio Planchuelo, Mugako Kontroleko postuko burua; Natividad Rodríguez, Uniport Bilbaoko zuzendaria, eta Emilio Tatay, Navaceleko CEOa. Besteak fokua jarri zuen portuaren aukeretan, gizarte eta ekonomia motor den heinean. Beran izan ziren Marta Uriarte, Bizkaia Zubiko zuzendari gerentea eta Gabino Gorostiza, Bilbao River Company-ko zuzendari nagusia.
GEOFen 15. jardunaldietara bertaratutakoen bisita Bizkaia Zubira
Urtarrilaren 15ean, Bizkaia Zubia GEOFen (Trenbide Operazioko Adituen Taldea) 15. jardunaldien baitan egindako bisita tekniko bat jaso zuen. Trenbide-sektoreko 20 profesionalek baino gehiagok hartu zuten parte ibilbide esklusibo horretan. Bertaratutakoak profil teknikoa zuten eta trenbide operazioan espezializatua zeuden. Bisitari esker, transbordadore-zubi enblematikoaren egitura eta funtzionamendua gertutik ezagutu ahal izan ziren.
Bertaratutakoen artean hainbat tren-erakundetako ordezkariak nabarmendu ziren, hala nola Euskotren, ETS (Euskal Trenbide Sarea), Fundación de Ferrocarriles Españoles (FFE), FGC (Ferrocarrils de la Generalitat de Catalunya), Metro Madrid, Ingeniería de Ferrocarriles, Metro Málaga, Renfe, SFM (Serveis Ferroviaris de Mallorca), ADIF eta Metro Bilbao.
Bisitan zehar, bertaratutakoek sakon ezagutu ahal izan zuten Bizkaia Zubiaren funtzionamendua, garraioan eta logistikan duen garrantzia, bai eta eskualdeko mugikortasunean duen eragina ere. Gainera, eztabaida interesgarriak sortu ziren azpiegiturak trenbide-operazioan duen garrantziari buruz eta beste garraiobide batzuekin duen harremanari buruz.
Jardunaldi horrek sektoreko adituen arteko ezagutza-trukea indartu zuen eta Bizkaia Zubiak Espainiako ingeniaritzaren eta garraioaren historiaren erreferente gisa duen balioa erakutsi zuen.
Igogailuek 8,700 bidaia egin zituzten eta bisitariak 50 metroko altuerara igo zituzten, Ibaizabal ibaiaren bokaleko eta inguruko ikuspegi ikusgarriez gozatzeko.
Liburuaren aurkezpena: Puentes Transbordadores-El primero de una Saga- Puente Bizkaia
Pasa den otsailaren 13an, Boutique Puente Colgante hotelean aurkeztu zen “Puentes Transbordadores: El primero de una Saga Puente Bizkaia” izeneko liburua. Historia, arkitektura eta ondare industrialaren zaleak bildu ziren ekitaldi horretan, Bizkaia Zubiari balioa ematen dion lan hori sakon ezagutzeko.
Aurkezpenean, Javier Goitia idazleak liburuaren ikerketari eta sorkuntza-prozesuari buruzko xehetasunak eman zituen eta zubi transbordadoreek ingeniaritzaren eta hirigintzaren garapenean duten garrantzia nabarmendu zuen. Lanak, Bizkaia Zubiaren historia aztertzeaz gain, etorkizuneko gertaerei ere ateak irekiko dizkie, munduko antzeko beste zubi batzuk jorratuko dituztenak.
Bertaratutakoek hitzaldi aberasgarria entzun zuten eta, jarraian, solasaldi bizia izan zuten. Horrela, ondare industrialaren kontserbazioari buruzko ideiak eta gogoetak partekatu ahal izan zituzten. Ekitaldiarekin amaitzeko, liburua erosteko aukera izan zuten. Hala, irakurleek egileak berak bakoitzari eskainitako ale bat eraman ahal izan zuten.
Gure dendetan dago salgai.
Hiruhileko horretan, 332 L/m²-ko euri metatua erregistratu zen. Nabarmendu beharrekoa da urtarrilaren 30a, izan ere, Bilboko portuan 116.2 L/m² euri erregistratu ziren.
Menorca III. Jardunaldi Teknikoak – Munduko Ondareko ondasunen komunikazioa: Gizartearekin konektatzeko interpretazio- eta dibulgazio-baliabideak
Menorcako Uharteko Kontseilua izan zen Munduko Ondarearen Kultur Paisaien eta Antzeko Lekuen Aliantzaren azken Tailerraren anfitrioia. Tailer hori 2025eko martxoaren 10etik 12ra egin zen uhartean. Izenburua hau izan zen: “Munduko Ondareko ondasunen komunikazioa: Gizartearekin konektatzeko interpretazio- eta dibulgazio-baliabideak”.
Topaketa honek saio teorikoak eta landa-esperientziak uztartzen ditu eta bere helburu nagusia ondarearen eta gizartearen arteko lotura sendotzera bideratutako ekimenen esperientziak partekatzea zen, publikoaren interpretazioa eta ulermena erraztuko duten tresnak eta metodologiak erabiliz. Bertaratutakoek konferentzietan parte hartu zuten hilaren 11n Numa Fundazioaren egoitzan (Ciutadella), Menorcako enklabe adierazgarrietara egindako bisitekin batera, hala nola Trepucoko talaia-herrixkara, Naveta de Tudonsera, Torre d ‘en Galmesera, Menorcako Museora eta Ciutadella-Can Saurako Museora.
Ondarearen eta komunikazioaren arloan izen handiko adituak izan ziren programan. Bertan, beren ezagutzak eta esperientziak partekatu zituzten hainbat saiotan.
Gainera, ondarea zabaltzeko hainbat kasu praktiko azaldu ziren, hala nola Madinat al-Zahra arkeologia-multzoaren esperientzia, Tramontana mendilerroaren hezkuntza-proiektua eta tokiko komunitateari zuzendutako Menorca Talayoticaren ekimenak.
Eskerrak emateko ekitaldia Portugaleteko Udalean.
2025eko martxoaren 10ean, Mª Jose Blanco Gavieiro Portugaleteko Hiribilduko alkateak, Bizkaia Zubiari gonbit egin zion eta opari bat eman zion, Portutalento 2024 Turismo Arloak egindako ekitaldian parte hartu izana eskertzeko.
Osoko Bilkuren Aretoan egindako ekitaldi xume batean, “Portutalento” proiektuan parte hartzen duten tokiko talentuek Asier Gómez argazkilariaren argazki original pertsonalizatua jaso zuten opari gisa. Argazki horren erreplika bat egin zen, Portugaleteko irudi gisa hainbat sustapen-ekitalditan jarraituko duen kanpainarako.
“Portutalento” programa 2024ko urriaren 5ean eta 6an jarri zen abian, “Portugalete” marka ezagutzera emanez eta beste helmuga batzuetatik bereizten duten puntu positiboak eta indarguneak nabarmenduz, hainbat arlotako tokiko pertsona ospetsuen bitartez (gastronomia, zinema, moda, kultura, historia, kirola, etab.).
Bizkaia Zubiko bizilagunentzako sustapena
Urtarrilean, otsailean eta martxoan, egoiliar askok aukera aprobetxatu zuten esperientzia paregabe bat bizitzeko eta Nerbioi itsasadarraren ikuspegi ikusgarriak ezagutzeko.
Ekintza honen helburua izan zen herritarrak herriko ondarera hurbiltzea. Harrera izugarria izan zen: familia, lagun eta bisitariek pasabideaz gozatu zuten giro berezian, euren berotasuna sare sozialen bidez partekatu zuten eta komunitatean eragin positibo handia sortu zuten.
Bizkaia Zubiaren zuzendaritzatik, guztion parte hartzea eskertu nahi dugu eta ekimen hauen garrantzia azpimarratu monumentuaren eta bere ingurunearen arteko lotura sendotzeko.
Eskerrik asko esperientzia ahaztezin honen parte izateagatik! Bizkaia Zubiak gure historia eta kulturaren erreferente bizia izaten jarrai dezan lanean jarraituko dugu.
Kontserbazio lanak
Martxoan, Sew Eurodrive orgarako trakzioko motorra-erreduktore baterako muntaketa berriaren proba egin zen, sistemaren eraginkortasun operatiboa eta errendimendu orokorra hobetzeko helburuarekin. Hobekuntza horrek abiadura eta trakzio-indarra optimizatzen ditu eta ontzitxoaren funtzionamendua arinagoa eta eraginkorragoa izan dadin ahalbitzen du.
Gauez, halaber, bidea berrikusi genuen, katenaria nagusiko grapak eta isolagailuak doitzeko eta horrek elikatze-sistema elektrikoaren eta buxadurarik gabeko errodadura-pistaren funtzionamendu egokia bermatzen du. Horrek ziurtatzen du sistemak modu seguruan eta etenik gabe jarduten jarraituko duela.
Ontzitxoan lau abiadura-murriztaile jarri dira ibilgailuen zamaren segurtasuna optimizatzeko. Instalazio horrek istripu-arriskuak murrizten ditu eta ontzitxoaren egonkortasuna hobetzen du ibilgailuen zamalanetan, betiere gure langileen eta bezeroen segurtasuna lehenetsita.
Osagai kritiko guztiak zehatz-mehatz ikuskatzeaz arduratu da MC2 enpresa, hala nola taula, dorreak, ontzitxoa eta kableak. Prozesu honen helburua da sistema guztiak egoera onean daudela bermatzea eta instalazioaren eragiketari eragin diezaioketen akatsak saihestea.
Nylatronen bi gurpil ordeztea organ, higaduraren iraunkortasuna eta erresistentzia areagotzen duten azken teknologiako material berriak inplementatuz. horrek jarduerarik gabeko denbora gutxiago eta zerbitzuan fidagarritasun handiagoa izatea dakar.
Ontzitxoaren kableetako bat hondatu egin denez higaduraren ondorioz, ontzitxoaren 18 kableak indartu eta segurtatu dira orgari lotzeko beheko eta goiko eremuetan. Lan horrek sistemaren fidagarritasuna eta segurtasuna indartzen ditu, kableek beren errendimenduari eta karga-ahalmenari baldintza egokietan eusten dietela ziurtatuz.
Intergift Ifema azoka
Otsailaren 6an, Bizkaia Zubiako taldeak Intergift 2025 azokara, IFEMA Madrilen ospatutako opari eta apaingarrien azokara, joateko aukera itzela izan zuen. Sektoreko erreferente gisa ezagututako ekitaldi honek joera berriak aztertzeko eta gure dendetarako hornitzaile berritzaileak aurkitzeko aukera eman zigun.
Gure bisitan, pabilioiak zeharkatu genituen, gure denden nortasunarekin bat datozen eta gure bezeroen esperientzia aberastuko duten produktu paregabeen bila. Kalitatearen, jasangarritasunaren eta diseinu abangoardistaren aldeko apustua egiten duten fabrikatzaileak eta diseinatzaileak ezagutu genituen eta balio horiek partekatu ditugu Bizkaia Zubian.
Intergiften izan dugun presentziak merkataritza-harreman berriak ezartzeko eta aliantza estrategikoak sendotzeko aukera eman digu eta, zalantzarik gabe, gure saltokietan hautaketa zaindua eta esklusiboa eskaintzen jarraituko dugu.
