Newsletterra hirugarren hiruhilekoa 2022
Sebastián Pozo
“Adorez arriskuak hartzera ausartuko zara eta errukibera izateko indarra eta apala izateko jakinduria izango duzu” Keshavan Nair.
BERRIAK:
Bizkaia Zubiaren 129. urteurrena
Pasa den uztailaren 28an Bizkaia Zubiak 129 urte bete zituen 1893. urtean inauguratu zenetik eta aurreko urteetan bezalaxe ospatu nahi izan dugu. Horretarako hainbat kultura, arte eta kirol jarduera egin ditugu, haurrei eta helduei guztiok maite dugun azpiegitura hori hurbiltzeko.Goizean goiz hasiko gara Bilboko Portuko Agintaritzak babestutako IV. Pintura Azkarreko Lehiaketan izena ematen, Munduko Ondareari buruzko 50. Konbentzioa dela eta. Leloa hurrengoa izango da: “Datozen 50 urteak: Munduko Ondarea erresilientzia, gizatasun eta berrikuntza iturria izango da etorkizuneko belaunaldientzat”.
Guztira, askotariko jatorrietako 32 lagunek hartu zuten parte. Ez zen lan makala izan epaileentzat sariak banatzea, aurkeztutako lanak kalitate handikoak izan baitziren. Irabazleak hurrengoak izan ziren: Diego Fernandez Gonzalez, Jose Luis López Perez, Miguel Repollés Martinez Lucio Fernandez de Miguel, Yohana Soldevilla Agorreta eta Luis Miguel López Gonzalez.
Eguerdiko ordu batean “La Costa Oeste” bandak kontzertua eman zuen eta ikusleek oso gustuko izan zuten. Egun osoan zehar doako kirol jarduerak egin ziren , hala nola Goming, tirolina eta gailurrerako eskalada. Ondareaz gozatzeko beste aukera ludiko bat izan zen.
Hiruhileko honetan zehar 224 itsasontzi igaro dira Bizkaia Zubiaren pasabidearen azpitik.
Bartzelonako artxidiozesiko apaiz gazteak.
Bisitatu Bizkaia Zubia
Pasa den abuztuan 13.105 bisitari izan genituen Zubiko Pasabide Panoramikoan, urteko hilabeterik jendetsuena, alegia. Bisitarien % 70 jatorri nazionalekoak izan dira, gehienak Euskal Autonomia Erkidegokoak, Madrilekoak, Kataluniakoak, Valentziakoak eta Andaluziakoak izan dira. Gainerako % 30a Alemaniatik, Frantziatik eta Italiatik etorri da, gehien bat.
Kontserbazio eta mantentze lanak
Uztailean eta abuztuan oso tenperatura altuak jasan izan ditugu denbora luzez. Gauean ere tenperaturek ez zuten behera egiten. Hortaz, Zubia gehiegi dilatatu da eta handitu egin da. Horren eraginez, ontzitxoak atrakalekuaren zorua ere ikutu du. Azken 40 urteetan ez da halakorik gertatu. Klima aldaketak eragina du izaki bizidun guztiongan baita egituretan eta ekipoetan ere, teorian, bizidunak ez direnak, baina benetan, bizia dutenak.
Uda garai egokia izaten da prebentzio lan ugari egiteko, baldintza meteorologikoak onak dira eta. Lan horiek dira, besteak beste: dorreen sehasketan kable nagusiak berrikustea, markatzaile eta fusible mekanikoak, instalazio osoa berriz pintatzea, ontziratze guneak eta dendak saneatzea eta zaintzea, gurdiaren gurpil batzuen kojineteak aldatzea, horiek lau urte baino gehiago daramatzate etenik gabe lanean. Gainera, Bizkaia Zubiaren bizi lerroen urteko eta nahitaezko berrikuspen guztiak egiten dira, dorreen barnealdetik goreneko gailurretaraino, gurdirako irteera, ontziratze gelen kanpoaldeak, etab.
Uztaila eta abuztua bitartean ez dira 11 litro/m2 euri baino gehiago izan, lehorte handiko urtea izan da. |
“Klima Aldaketa” erakusketaren inaugurazioa
Pasa den irailaren 8an inauguratu zen Klima Aldaketa erakusketa, Axa Fundazioaren eta Lunwerg Argitaletxearen lankidetzari esker. Erakusketaren komisarioa Joaquin Araujo naturalista da. Aire zabaleko erakusketa bat da, formatu handiko 60 argazki biltzen ditu eta horien bidez ikus ditzakegu klima aldaketaren gakoak, klimaren bilakaera, planetako gune jakin batzuetako paisaien eta bizitzaren hauskortasuna. Amaitzeko, aldaketa horien eragina eteteko hartzen ari diren neurriak ere erakutsiko dira.
Bertan izan ziren besteak beste Amaia Aguirre Getxoko alkatea, Mª Jose Blanco Portugaleteko jarduneko alkatea, Begoña de Ibarra Aldundiko Kultura zuzendaria eta Alvaro Alzaga Axa España Iparraldeko Lurralde zuzendaria. Erakusketa urriaren amaierara arte izango da.
Bizkaiko Ondarearen 2022ko Jardunaldiak
Pasa den irailaren 21ean Bilboko Itsasmuseum Museoan Bizkaiko 2022ko Europako Ondareari buruzko Jardunaldiak aurkeztu ziren, Ondare Jasangarriaren gaia erdigunean jarrita. Bertan izan zen Lorea Bilbao Euskara, Kultura eta Kirol diputatua eta nabarmendu zuen jardunaldi horiek aukera eskaintzen digutela kultura eta ondarearen profesionalek garatzen duten lana ezagutzeko, bermatzeko egungo eta etorkizuneko belaunaldiek gozatzeko aukera izango dutela gure lurraldea bereizten duten ondare baliabideez.
Kasu honetan, Bizkaia Zubiak Jokin Araujo eta Javier Goitia arduradun diren hitzaldi batean hartuko du parte. Bertan, klima aldaketa geldiarazteko beharrezkoak diren eraldaketak eta Zubiak bere bizitzan zehar jasandako aldaketak aipatuko dira. Topaketa datorren urriaren 7an izango da 17:00etan, izena aldez aurretik eman beharko da.
Munduko Zubi Transbordadore elkartea
Pasa den irailaren 26an, atsegin handiz hartu genuen Bizkaia Zubian Horacio Martinez Fundazioko idazkari nagusia, Bocatik (Buenos Aires) etorri zen. Lan bilera bat egin genuen elkartearen batzarraren barruan, datozen hilabeteetan egin beharreko ekintzak zehazteko, azpiegitura horiei balioa emanda aurrera egiteko eta Bizkaia Zubia buru duen seriean elkarrekin lan egiteko.
Gaur egun, Munduko Zubi Elkartea honako hauek osatzen dute: Rocheforteko Transbordadore Zubia (Frantzia), Nicolas Avellaneda Zubia, Buenos Aires (Argentina) eta Bizkaia Zubia.
La Boca fundazioa 2001an eratu zen GKE bat da. Bere helburua Boca auzoa gizarteratzeko eta garatzeko zubi izatea da, baita Nicolas Avellaneda Zubia martxan jartzea eta mantentzea bultzatzea, Amerikan eta Argentinan ikur bat izan dadin.
Hiruhileko honetan ontzitxoak 27.843 bidaia egin ditu, ia 4.200 km egin ditu linean. |
Munduko Ondarearen Kudeatzaileen XVI. Elkarretaratzea – Munduko Ondarearen Konbentzioaren 50. urteurrena
Joan den irailaren 28an eta 29an, Munduko Ondarearen Kudeatzaileen XVI. Topaketa egin zen Meridan, honako gai hauen inguruan: hurrengo 50 urteak: munduko Ondarea etorkizuneko belaunaldientzako bizileku, gizatasun eta berrikuntza iturri gisa, Espainiako Gizateriaren Ondare diren Hirien Taldeak eta Kultura eta Kirol Ministerioak antolatuta. Hausnartzeko bi jardunaldi izango dira Munduko Ondare diren tokiek gaur egun, epe ertainean eta luzean, gainditu behar dituzten erronken inguruan, hala nola klima aldaketa, erronka demografikoa edo teknologia arrakala.
